ꀒꎂ⇔ꁌꐘ,ꐳꈴꄇꈜꈴꇬꄮꈉ40ꃏꀉꄂꈁ
2025-06-17 16:48
举报


6ꆪ16ꑍ,ꎿꄌꐳꈴꄇꈜꏹꄨꆀꑭꇬꌦꎆꀥꇱꄉ,ꌧꍧꇑꐇꎹꄨꇬꌦꁳꋈꄻꎻꌠꑭꆀꐳꈴꄇꈜꄊꏿꃅꐬꑍꁁꏯꐯꇯꐽꏡꃅꉢꄙꂰꅤꁖꄉꀐ,ꄊꏿꃅꐬꅤꌊꈮꁁꑟꇬꆏ,ꐘꃆꋈꄻꋌꐘꆹꀉꒉꃅꃅꊋꐛꌠꌗꀐ。

ꀒꎂꎽꃀꏢꁮꐛꌠꄊꏿꆃꌅꆹꀒꎂꄉꁌꐘꑤ、ꆀꆆꑤꁧꇬꄚꈴꁧꇬꎷꌠ。ꀒꎂꏃꄉꁌꐘꑤꁧꇬꈝꃀꀞꄂꋋꏢꀉꄂꐛ,ꇩꈜG248ꋋꏢꆹꃅꋆꄮꐰꆏꂷꉐꐛꃰꐛꃅꄉꀊꅰꋬꂻꃅꁨꒉꉈꇁꀋꌒ。ꄊꏿꃅꐬꅤꌐꄉꈴꉆꑲꆏ,ꀒꎂꄉꁌꐘꁧꇬꈝꐮꇁꀐꌠ,ꄮꈉꋍꂷꀉꁁꄉꊨꒊꅷꇖꊰꃏꀉꄂꈁ,ꃅꋆꄮꐰꑌꁣꀋꐥꃅꁨꒉꉈꇁꌒ。

ꄊꏿꃅꐬꆹꄊꏿꆃꌅꈴ,ꀊꎴꐨꆏ10051ꂰꐛꌠꃅꐬꀊꎴꐯꀊꎴꑠꂷ,ꈪꄙꀊꅼꇊꀊꅼꅉꆏ720ꂰꐛꅉꐛ。ꄊꏿꃅꐬꃹꆸꈌꎿꄩꀊꂥꐨꆏ2030.71ꂰꐛ,ꃅꐬꅏꈌꎿꄩꀊꂥꐨꆏ2281.06ꂰꐛ,ꎿꄩꀊꂥꐮꍣꐨꆏ250.35ꂰꐛ,ꑷꂿ85ꊐꐛꂷꂥꌠ,ꋧꃅꃅꄉꇬꌌꇫꄉꋉꅷꐺꌠꐳꈴꄇꈜꃅꐬꋍꂷꈏꃹꉇꅐꎿꄩꀊꂥꐨꀊꂥꃅꐮꍣꌐꌠꉬ。ꃅꐬꋋꂷꆹꃄꇙꈝꐮꅉꈬꊐꈴꌠꉬ,ꃅꐬꋋꂷꈳꅉꆹꊫꍞꃀ、ꐋꊈ、ꋓꃅꉼꃅꊭꈘꈝꐮꅉꇬꉬ,ꃅꐬꈐꏭꒈꅐꅉꀉꑌꃅꐛ,ꋍꑍꌠꀆꐒ1.3ꃪꆀꃓꂰꅐꇁꄎ,ꑳꈐꐛꌠꒈꏸꅉ30ꂷꊐꐛꄎ,ꋈꄻꊋꋠꐨꆹꀉꒉꃅꐥ。

ꋬꂻꃅꄉꃅꐬꋋꂷꅤꁖꂿꄷꄉ,ꄚꋈꄻꈽꌠꊾꆹꀋꆏꃅꃅꉚ、ꇮꇐꇮꁈꏀꀺ,ꀋꆏꃅꍤꎖ、ꅺꈨꏲꂠꋒꃅꄉ、ꋬꂻꀎꇓꅑ、ꈆꑪꇮꇐꌊꐘꃆꋈꄻꌠꃆꂮꍤꎖ,ꃅꐬꋈꄻꌠꋎꍅꇇꈐꊐꄉ,ꋍꑞꋍꑵꈆꑪꇮꇐꂴꅑꎍꌠꌊꊋꋠꐨꂥꀘ。ꑭꀕꋧꋪꃅꃅꐬꋈꄻꌠꃆꂮꌌꊒꌸꃅꍤꎥꄉ,ꃅꐬꋈꄻꌠꎁꃅꅺꈨꑠꊋꄏꇇꀨꄉꋈꄻꊇꁧꄉꀧ。

ꄊꏿꃅꐨꈮꁁꅤꌐꄉ,ꑭꆀꐳꈴꄇꈜꋈꄻꌠꆹꀋꉬꀋꉆꃅꑠꁘꃅꊋꐛ,ꀒꎂꄉꁌꐘꑟꌠꆹꐲꃬꃅꈴꉆꌠꈝꃀꋈꄻꐛ,ꑭꆀꐳꈴꄇꈜꋈꄻꌐꌠꁻꌐꎁꃅꅉꃀꄻꈫꈈꃅꄉ。

网友评论
网友评论仅供其发表个人看法,并不表明我司立场
发表
暂无评论
相  关  推  荐
换一换